پاکستان ویمنز کرکٹ ٹیم کی سابق کپتان بسمہ معروف بھی پیا دیس سدھار گئیں
پاکستان ویمنز کرکٹ ٹیم کی منفرد کھلاڑی بسمہ معروف اپنے خالہ زاد ابراراحمد کی دلہن بن گئیں جو پیشے کے لحاظ سے سافٹ وئیرانجینئر ہیں۔
لاہور میں شادی کی تقریب میں اہل خانہ،، عزیز و اقارب سمیت قومی خواتین کرکٹ ٹیم کی
ساتھی کھلاڑیوں نے بھی شرکت کی اور خوب صورت لمحات کی تصاویر بنوائیں ، یادگار
لمحات کی تصاویر سوشل میڈیا پر وائرل ہوچکی ہیں۔
بسمہ معروف کے ولیمے کی تقریب کا اہتمام فیصل آباد میں کیا گیا ہے جہاں اہم شخصیات بھی تقریب میں شرکت کریں گی۔
یاد رہے کہ بسمہ معروف کا کیریئر انجری کی وجہ سے خطرات سے دوچار ہوگیا تھا تاہم
کامیاب آپریشن کے بعد وہ جرات مندی کا مظاہرہ کرتے ہوئے پھرمیدان میں واپس آئیں اور
تمام خدشات کو شکست دے دی۔
اب قومی خواتین کرکٹ ٹیم کی سابق کپتان بسمہ معروف اپنے خالہ زاد ابراراحمد کی دلہن بن اپنی زندگی کی نئی اننگ شروع کرنے جارہی ہیں، ان کی ساتھی کھلاڑیوں اورعزیز و اقربا یہ تمنا اور دعا کرتے ہیں کہ جس طرح بسمہ نے اپنی انجری کی مشکلات پر قابو پاکر اپنا کیریئر محفوظ بنتایا تھا اسی طرح وہ اپنی نئی زندگی میں بھی کامیاب وکامران ہوں اوراللہ انھیں ہر مشکل پر قابو پانے کی جرات اور حوصلے کے ساتھ ساتھ بھرپور محبت بھی عطا کرے
POST A COMMENT.