افغانستان میں سونے کی کان بیٹھنے سے 30 افراد ہلاک

افغانستان کے صوبے بدخشاں میں 200 فٹ گہری کان کے اندر گاؤں کے افراد سونے کی تلاش میں مصروف تھےکہ کان بیٹھ گئی، 7 افراد زخمی ہوگئے،ذرائع

افغانستان کے صوبے بدخشاں میں سونے کی کان بیٹھنے سے 30 افراد ملبے تلے دب کر ہلاک ہوگئے۔غیرملکی خبررساں ادارے کے مطابق افغانستان کے صوبے بدخشاں میں سونے کی کان بیٹھ گئی جس کے نتیجے میں 30 افراد ملبے تلے دب کر ہلاک ہوگئے جبکہ 7 افراد زخمی ہیں۔دریا میں 200 فٹ گہری کان کے اندر گاؤں کے افراد سونے کی تلاش میں مصروف تھے اسی دوران کان کی دیواریں گر گئیں۔افغان حکام کے مطابق حادثے کے وقت مقامی افراد ایکسیوٹراستعمال کررہے تھے، زخمی افراد کو فوری طبی امداد کے لیے اسپتال منتقل کردیا گیا جبکہ 13 افراد کو بچالیا گیا ہے۔گورنر بدخشاں کے ترجمان نیک محمد نظری کے مطابق مقامی افراد کافی عرصے سے اس کاروبارمیں ملوث ہیں اوران پرحکومت کا کوئی کنٹرول نہیں ہے۔نیشنل ڈیزاسٹر مینجمنٹ اتھارٹی کے ترجمان حشمت بہادری کے مطابق جائے وقوعہ پرامدادی کام کا آغازکردیا گیا ہے، ان کا کہنا تھا کہ زخمیوں اور ہلاک ہونے والوں کو نقد رقوم ادا کی جائیں گی۔حشمت بہادری نے کہا کہ حادثے میں زخمی ہونے والوں کو دس ہزار افغانی اور جاں بحق افراد کے لواحقین کو 50 ہزار افغانی دئیے جائیں گے۔افغانستان کا شمال مشرقی پہاڑی صوبہ بدخشاں کی سرحد تاجکستان، چین اور پاکستان سے ملتی ہے جہاں سردیوں میں شدید برف باری ہوتی ہے اور لینڈ سلائیڈنگ کا خدشہ بھی رہتا ہے۔

Facebook Comments

POST A COMMENT.