شہرقائد میں 24گھنٹوں میں دوسرا بڑا بریک ڈائون،متعدد علاقے تاریکی میں ڈوب گئے

بریک ڈائون کی وجہ سے شہر کے نصف سے زائد علاقے تاریکی میں ڈوب گئے

شخصیات ویب ڈیسک
کراچی،شہرقائد میں 24 گھنٹوں میں دوسرے بڑے  بریک ڈائون سے متعدد علاقے متاثر ہوگئے۔کے الیکٹرک بریک ڈائون کو ہوا نمی کی کمی کو قرار دے دیا۔جس کے باعث نیشنل گرڈ میں تکنیکی امورمتاثر ہوئے گئے۔خیال رہے کہ رواں برس اپریل میں نیپرا نے کراچی میں جاری بجلی کے بحران کا ذمہ دار کے-الیکٹرک کو قرار دیا تھا اور ساتھ ہی حکومت سے لوگوں کی مشکلات کو کم کرنے کے لیے گیس کوٹہ بڑھانے کا مطالبہ کیا تھا۔کراچی میں لوڈشیڈنگ کے حوالے سے بتایا گیا کہ بجلی منقطع ہونے کا سلسلہ پیر کی شب سے شروع ہوا جو تقریباً 24 گھنٹے تک جاری رہا۔دوسری جانب کے الیکڑک نے سماجی رابطے کی سائٹ ٹوئٹر پر ٹوئٹ کیا کہ متاثرہ علاقوں میں بحالی کا کام تیزی سے جاری ہے اور ایئرپورٹ سمیت لیاری،جناح اورسول جیسے اہم اسپتالوں میں بجلی کی فراہمی کو یقینی بنایا گیا ہے۔بیشتر علاقوں میں بجلی کی آنکھ مچولی جاری رہی تاہم درجہ حرارت میں اضافے اور لوڈشیڈنگ کے باعث معمولات زندگی بہت بری طرح متاثر ہوئے۔بڑے بریک ڈاؤن کے بعد کے الیکٹرک کے ترجمان نے دعویٰ کیا کہ ہوا میں نمی کے اضافے کی وجہ ہائی ٹینشن لائن ٹرپ ہوئی جسے بحال کرنے کیلئے کام تیزی سے جاری ہے۔کے الیکڑک کی جانب کہا گیا کہ متبادل سرکٹ سے شہرمیں بجلی فراہم کی جارہی ہے اورمتاثرہ مقامات پربجلی کے تعطل کو جلد بحال کردیا جائے گا۔

Facebook Comments