انتہا پسندی کا مستقل حل ڈھونڈنا ہوگا، وزیراطلاعات فواد چودھری

حکومت نے صرف فائر فائٹنگ کی،فی الوقت جو اقدام کیا وہ علاج نہیں عارضی حل ہے
آسیہ کی سیکیورٹی کیلئے حکومت تمام ضروری اقدامات کرےگی: وزیراطلاعات کاانٹرویو

لاہور،وفاقی وزیراطلاعات فواد چودھری نے احتجاج کے خاتمے کو عارضی حل قرار دے دیا۔برطانوی نشریاتی ادارے کوانٹرویومیں فوادچودھری نے کہا کہ فی الوقت تو حکومت نے صرف فائر فائٹنگ ہی کی،فی الوقت حکومت نے جو قدم اٹھایا وہ اس مسئلے کا علاج نہیں،انتہا پسندی اور پُرتشدد احتجاجی مظاہروں کا مستقل حل ڈھونڈنا ہوگا ،شرپسندعناصر کیخلاف اقدامات کی ضرورت ہے، حکومت آسیہ مسیح کی سکیورٹی کیلئے تمام ضروری اقدامات اٹھائے گی،انہوں نے مزیدکہا کہ ہمارے پاس دھرنا ختم کرانے کیلئے دو آپشن تھے، فورس استعمال کرتے تو لوگ قتل ہو سکتے تھے، ریاست کو ایسا نہیں کرنا چاہئے،ہم نے مذاکرات کی کوشش کی اور مذاکرات میں آپ کچھ حاصل کرتے ہیں اور کچھ چھوڑنا پڑتا ہے۔بیماری کا علاج اصل چیز ہے اورحکومت اس مسئلے کے حل کیلئے پراعتمادہے۔

Facebook Comments