فخرزماں ، نیوزی لینڈ کو پہلے ایک روزہ میچ میں 5 وکٹوں سے شکست

فخرزماں کی شاندار سنچری کی بدولت پاکستان نے نیوزی لینڈ کو پہلے ون ڈے میں شکست دے کر سیریز میں فاتحانہ آغاز کردیا

نیوزی لینڈ کی جانب سے دیا گیا 289 رنز ہدف قومی بیٹرز نے 5 وکٹوں کے نقصان پر 49ویں اوور میں پورا کرلیا

شخصیات ویب نیوز

28اپریل 2023 جمعہ 7شوال 1444ھ

رپورٹ تحریر: سلیم آذر

فخر زمان اور امام الحق کے درمیان سینچری پارٹنر شپ نے ہدف کے تعاقب میں آسانی دی

 

امام الحق 124 کے مجموعے پر 60 رنز بنا کر آؤٹ ہوگئے۔ جس کے بعد فخر زمان کے ساتھ کپتان بابر اعظم نے اسکور کو آگے بڑھایا۔ 

 

بابر اعظم 49 رنز بنانے کے بعد 214 رنز پر آؤٹ ہوگئے۔ نئے آنے والے بلے باز شان مسعود متاثر نہ کرسکے اور صرف ایک رن کے مہمان ٹھہرے۔ 

انکے آؤٹ ہونے کے بعد محمد رضوان اور فخرزماں نے ٹیم کو جیت کی جانب گامزن کیا، اس موقع پر فخرزماں نے اپنی سنچری بھی مکمل کی۔ 

فخرزماں 117 رنز کی اننگز کھیل کر رچن رویندرا کی گیند پر کیچ آؤٹ ہوگئے۔ 

پانچویں آؤٹ ہونے والے کھلاڑی آغا سلمان تھے جنہوں نے 7 بنائے۔ 

فخر زمان نے امام الحق بابر اعظم اور محمد رضوان کے ساتھ مل کر ٹیم کو جیت کی جانب گامزن کیا

فخر زمان نے امام الحق بابر اعظم اور محمد رضوان کے ساتھ مل کر ٹیم کو جیت کی جانب گامزن کیا

چھٹی وکٹ پر محمد رضوان نے محمد نواز کے ہمراہ ٹیم کو فتح سے ہمکنار کروایا۔ رضوان نے 42 رنز کی ناقابلِ شکست اننگز کھیلی جبکہ محمد نواز 8 رنز بنا کر ناٹ آؤٹ رہے۔     

نیوزی لینڈ کی جانب سے ایڈم ملن دو وکٹیں لے کر نمایاں رہے جبکہ اش سودھی، رچن رویندرا اور بلیئر ٹکنر نے ایک ایک کھلاڑی کو آؤٹ کیا۔

راولپنڈی کے پنڈی کرکٹ اسٹیڈیم میں کھیلے گئے اس میچ میں نیوزی لینڈ نے پہلے بیٹنگ کرتے ہوئے مقررہ 50 اوورز میں 7 وکٹوں کے نقصان پر 288 رنز بنائے۔ 

نیوزی لینڈ کے اوپنر نے ٹیم کو محتاط آغاز فراہم کیا، لیکن 48 کے مجموعے پر پاکستان کو پہلی کامیابی اس وقت ملی جب حارث رؤف نے 18 رنز بنانے والے چیڈ بوس کو آؤٹ کیا۔ 

انکے بعد آنے والے بلے باز ڈیرل مچل نے ول ینگ کا ساتھ دیا، دونوں نے مل کر دوسری وکٹ پر 102 رنز کی شراکت بنائی

 تیسرے وکٹ پر ڈیرل مچل نے کپتان ٹام لیتھم کے ہمراہ 72 رنز جوڑے۔ 222 کے اسکور پر 20 رنز بنانے والے لیتھم شاہین آفریدی کی گیند پر ایل بی ڈبلیو آؤٹ ہوگئے۔ 

نیوزی لینڈ کی چوتھی وکٹ 248 رنز پر گری جب ٹی ٹوئنٹی سیریز کے ہیرو مارک چیپمین 15 رنز بنا کر حارث رؤف کی گیند پر بولڈ ہوگئے۔ 

ایک جانب جہاں سے جہاں نیوزی لینڈ کی وکٹیں گر رہیں تھیں تو دوسری جانب ڈیرل مچل نے اپنی ذمہ دارنہ بیٹنگ جاری رکھی اور سنچری اسکور کی۔ 

مچل 113 کے مجموعے پر شاہین آفریدی کی گیند پر اس وقت کیچ آؤٹ ہوئے جب ٹیم کا اسکور 260 رنز تھا۔ 

ہدف کے تعاقب میں اوپنر امام الحق اور فخر زمان کے درمیان سنچری پارٹنرشپ بنی

ہدف کے تعاقب میں اوپنر امام الحق اور فخر زمان کے درمیان سنچری پارٹنرشپ بنی

آخری اوور کی آخری دو گیندوں پر نسیم شاہ نے رچن رویندرا اور ایڈم ملن کو آؤٹ کیا اور اننگز کے اختتام تک مہمان ٹیم کا اسکور 7 وکٹوں کے نقصان پر 288 رنز رہا۔   

پاکستان کی جانب سے نسیم شاہ، حارث رؤف اور شاہین آفریدی نے دو دو کھلاڑیوں کو آؤٹ کیا جبکہ ایک وکٹ شاداب خان کے حصے میں آئی۔ تاہم نسیم شاہ نے اپنے 10 اوورز کے کوٹہ میں صرف 29 رنز دیے۔

Facebook Comments

POST A COMMENT.